Sera ciara

Sera ciara, sere łonghe
vedo i munti da lontan
zo fra el Grapa e l’Altopian
pian ła Brenta ła fa onde

Sera ciara, note curte
conpagnae da łunghi di
anca i griji note curte
senpre i canta: cri cri cri

Sera ciara, sere łonghe
ventexel de tenporałe
sołe e canti de çigałe
al finir del di i se sconde

Sera ciara, sera scura
col caldin łe prime voxe
che łe va par ła pianura
quaxi istà a Santa Croxe